«Հայաստան» խմբակցության պատգամավորներն այցելում են «Եռաբլուր» զինվորական պանթեոն: Լրագրողների հետ զրույցում ՀՀ պաշտպանության նախկին նախարար, պատգամավոր Սեյրան Օհանյանն ասաց, որ այսօրվա իշխանությունների օրոք անհնարին է խոսել ինքնիշխանության մասին, երբ երկրի սահմաններն անառիկ չեն: «Ինքնիշխանությունն արտահայտվում է նրանով, որ ունես տարածք, բնակչություն, տնտեսություն ու այդ տարածքի տերն ես, սահմաններն անձեռնմխելի են, իսկ այսօր, երբ ադրբեջանցիները գտնվում են մեր տարածքում, խոսել լիակատար ինքնիշխանության մասին դժվար է»: