«Ասպարեզ» մամուլի ակումբի նախագահ Լևոն Բարսեղյանը գրում է. «Մի պոռնոգրաֆիկ պատմություն, որ 13,5 տարեկան է
Բարև ձեզ, սիրելի արդարադատության համակարգ, մեծարգո դատավոր Էդիկ Նահապետյան, վերաքննիչ դատավորներ, վճռաբեկ դատավորներ, գյալմաբեխաբար արնախումի վսեմաշուք մենթեր և պլասկագուբցիներ, հանձնակատարներ և այլ պայծառափայլ անձինք, լավ ե՞ք, տնեցի՞ք ոնց են:
13,5 տարի տևեց էս պատմությունը՝ 2008 թվի մարտի 2-ից մինչև այսօր:
Կարեն Թումանյանն ինչ է քաշել՝ ոչ մեկը չգիտե, սուսուփուս աշխատել ու կրել է, տո համ կռել է, համ էլ կրել է էս գործը, Մարդու իրավունքների եվրոպական դատարանում ապացուցել է, որ թքած ունեին հավաքների ազատության և իրավունքի վրա, ապացուցել է, որ Հայաստանում դատական իշխանություն ու իրավապահ համակարգ չի եղել էդ օրերին: Էս գործը մի մանր բան է ցուցարար գյուլլելու, խոշտանգելու, բանտերում տարիներով պահելու այլանդակությունների համեմատ, ապացուցել է, որ ՀՀ քաղաքացին պիտի Ստրասբուրգում արդարություն գտներ, եթե իհարկե որոշում էր չարտագաղթել:
Հիմա, սիրելի արդարադատության համակարգ, մեծարգո դատավոր Էդիկ Նահապետյան, վերաքննիչ դատավորներ, վճռաբեկ դատավորներ, գյալմաբեխաբար արնախումի վսեմաշուք մենթեր և պլասկագուբցիներ, հանձնակատարներ եւ այլ պայծառափայլ անձինք, հավաքվեք, էս փողը գցվեք, բերեք տվեք ինձ...»: