ԱԺ նախկին պատգամավոր Արման Աբովյանը ֆեյսբուքյան իր էջում գրել է․ «Սա ԻՐԵՆՑ տոնն է: Իրենց տոնը, ովքեր իրենց կյանքը տվեցին, որ ապրենք ՄԵՆՔ, մեր երեխաներն ու երկիրը: Իրենք իրենց կյանքը տվեցին, որ աշխարհի յուրաքանչյուր հայ իմանա, որ մեր մոլորակում մեզանից յուրաքանչյուրի համար կա Հայրենիք: Այսօր փորձում են մեզ զրպարտել և խլել ընկած հերոսների երազանքը, պայքարը, կյանքը և մահը՝ ամեն սրբազան բանի ոչնչացումը անվանելով «խաղաղության դարաշրջանի» սկիզբ, որն իրականում կործանման վտանգ է առաջացնում ազգի, երկրի, մեր ապագայի և անցյալի համար: Սա միայն մեր Հիշողությունը, Պատիվն ու Արժանապատվությունը չէ, սա մեր Հայրենիքն է, որը պատառ-պատառ վճարվում է թշնամուն երևակայական «խաղաղության» դիմաց... Պետք է հասկանալ, որ այն մարդիկ, ովքեր կռվել են, իրականում մեզ խաղաղություն են բերել, իսկ նրանք, ովքեր կարծում են, որ խաղաղությունը կարելի է փոխանակել Հայրենիքի հետ, մեզ պատերազմ են բերում: Մենք պետք է ընդունենք հետևյալը․ խաղաղության միակ գինը ազգի անսասան պատրաստակամությունն է՝ ամեն կերպ պայքարել և պաշտպանել իր ԱՊՐԵԼՈՒ իրավունքը»: |