ՄԱՄՈՒԼ.ամ
Hay / Հայ | Рус | Eng | Tür
USD 478.42, EUR 555.06, RUB 6.72, GBP 656.77
+22 °C, +14 °C ... +23 °C Վաղը`+21 °C
Հայաստանում կանցկացվեն ՀԱՊԿ-ի «Որոտ-2021» վարժանքները
14:42, 22.09.2021
2213 | 1

Սեպտեմբերի 24-28-ը Հայաստանի Հանրապետության տարածքում կանցկացվեն «Որոտ-2021» վարժանքները՝ ՀԱՊԿ օպերատիվ արձագանքման ուժերի կազմում գտնվող թմրանյութերի անօրինական շրջանառության հակազդման հարցերով զբաղվող հատուկ ծառայությունների, հատուկ նշանակության ուժերի ստորաբաժանումների և ներքին գործերի մարմիննների մասնակցությամբ: Այս մասին ասվում է ՀԱՊԿ պաշտոնական էջում հրապարակված հայտարարության մեջ: Վարժանքների առաջին փուլի ընթացքում, ՀԱՊԿ անդամ-երկրների հատուկ նշանակության ջոկատներն ու ՀՀ Զինված ուժերն ուսումնա-մարզական տարբեր առաջադրանքներ են կատարելու լեռնային բարդ տեղանքի պայմաններում։ Հատուկ գործողության մշակման ու իրականացման նպատակով հրամանատարաշտաբային վարժանքներ կանցկացվեն ՀԱՊԿ օպերատիվ կազմի հետ։ Ուսումնական առաջադրանքների կատարման ժամանակ ՀԱՊԿ անդամ երկրների հատուկ նշանակության ուժերը, Հայաստանի զինված ուժերի ստորաբաժանումների և սահմանապահ զորքերի հետ, կկատարելագործեն փոխգործակցության ուղիները և հավելյալ փորձ ու հմտություններ ձեռք կբերեն։ Վարժանքների երկրորդ փուլի ընթացքում կանցկացվեն մարտական զենքից մարտավարական հրաձգության մրցումներ:

Կիսվի՛ր այս նյութով՝
| |
դեպի վեր