Արցախի «Ազգային վերածնունդ» կուսակցության անդամ Տիգրան Գրիգորյանը ֆեյսբուքյան իր էջում գրել է. «Նյու Յորքում ԵԱՀԿ Մինսկի խմբի միջնորդությամբ տեղի է ունեցել հանդիպում ՀՀ արտգործնախարար Արարատ Միրզոյանի ու Ադրբեջանի արտգործնախարար Ջեյհուն Բայրամովի միջև: Սա, անշուշտ, դրական զարգացում է:
Հանդիպմանը հաջորդած Մինսկի խմբի հայտարարության մեջ շատ խճճված բառապաշարով նշվում է քաղաքական կարգավորման անհրաժեշտության մասին: Հուսանք, ՀՀ իշխանություններն այս ձևակերպումը ևս չեն սկսի օգտագործել իրենց պաշտոնական ելույթներում՝ կարգավիճակի հարցի մասին խոսելիս («հայտնի սկզբունքների» օրինակով)»։