Ադրբեջանի նախագահ Իլհամ Ալիևը, Արցախի դեմ սանձազերծված 44-օրյա պատերազմի տարելիցին հերթական սպառնալիքներն է հնչեցրել Հայաստանի հասցեին: «Եթե մենք տեսնենք, որ հայկական ֆաշիզմը գլուխ է բարձրացնում, եթե տեսնենք, որ նոր վտանգ կա մեր ժողովրդի ու պետության համար, ապա, առանց վարանելու կկոտրենք հայկական ֆաշիզմի գլուխը: Թող ոչ մեկ չմոռանա, որ պատերազմի ու հաղթանակի խորհրդանիշ «Երկաթե բռունցքը» տեղում է»,- ասել է նա, գրում է ադրբեջանական АПА գործակալությունը: