Ինչպես հայտնել էինք, մեկնարկել է Չեխիայի ԱԳ նախարար Յակուբ Կուլհանեկի աշխատանքային այցը Երևան: Քիչ առաջ ՀՀ ԱԳՆ-ում տեղի է ունեցել Արարատ Միրզոյանի ու Յակուբ Կուլհանեկի ասուլիսը: «Հակամարտության խաղաղ ու քաղաքական կարգավորումը մնում է օրակարգում: Վերահաստատել եմ ՀՀ պատրաստակամությունը՝ վերսկսելու ղարաբաղյան խաղաղ կարգավորման լիարժեք գործընթացը՝ ԵԱՀԿ ՄԽ համանախագահության ձևաչափում՝ հայտնի սկզբունքների ու տարրերի հիման վրա»,- անդրադառնալով օրեր առաջ Նյու Յորքում ԵԱՀԿ ՄԽ համանախագահների միջնորդությամբ ու մասնակցությամբ Ադրբեջանի ԱԳ նախարարի հետ ունեցած հանդիպմանը՝ ասել է Արարատ Միրզոյանը: