ՆԱՏՕ-ում Ռուսաստանի առաքելության 8 դիվանագետի արտաքսումը կապված չի եղել որևէ իրադարձության հետ, այս մասին հայտնել է ՆԱՏՕ-ի գլխավոր քարտուղար Յենս Սթոլթենբերգը, փոխանցում է Reuters-ը: «Սակայն որոշ ժամանակ մենք հետևում էինք ռուսական վնասակար գործունեության ուժեղացմանը»,- ասել է պաշտոնյան: Ռուս դիվանագետների արտաքսման որոշումն ընդունվել է տեղեկությունների հիման վրա, ըստ որի՝ նրանք հանդիսանում են «ռուսական հետախուզության սպաներ», հավելել է Սթոլթենբերգը: |