Ինչպես հայտնել էինք, «Հայաստան» խմբակցությունը ԱԺ պաշտպանության և անվտանգության հարցերի մշտական հանձնաժողովի արտահերթ նիստում արդեն 7-րդ անգամ ներկայացրել էր Արթուր Ղազինյանի թեկնածությունը՝ հանձնաժողովի նախագահի տեղակալի պաշտոնում: Հարցը դրվել էր քվեարկության և չէր ընդունվել: Մինչ քվեարկությունը, Անդրանիկ Քոչարյանը հայտարարել է. «Ըստ կանոնակարգի՝ Սեյրան Օհանյանը պետք է գար ու ներկայացներ թեկնածուին: Պարոն Օհանյանը բացակայում է, միգուցե կապված է նոր քրգործի հետ, ես չգիտեմ... Ամեն դեպքում, ընդդիմության մեր գործընկերները բացակայում են, նշանակում է, որ իրենց թեկնածուին թաքցնում են հանձնաժողովից, քննարկումներում կարող է գայինք ինչ-որ եզրահանգումների, որից իրենք բացակայում են»: |