Ինչպես հայտնել էինք, դատավորը նախկին փոխվարչապետ, այժմ պատգամավոր Արմեն Գևորգյանին թույլ չէր տվել մի քանի օրով լքել երկիրը՝ մասնակցելու ԵԽԽՎ հանձնաժողովի նիստին. Գևորգյանն իրեն համարել էր «քաղաքական գերի»: Լրագրողների հետ զրույցում վերջինն ասաց. «Այս ամենը, ցավոք, արդեն ո՛չ քաղաքական, ո՛չ իրավական, ավելի շատ բարոյահոգեբանական տիրույթում է ընկալվում ու ընթանում»: Պատգամավորն ասաց, որ իրավական ողջ գործիքակազմն օգտագործելու է՝ իր իրավունքները պաշտպանելու համար. «Մենք պատրաստ չէինք դատարանի նման պահվածքին. անհասկանալի էր՝ ինչո՞ւ պետք է միջնորդություններն այսպիսի լուծում ստանային»: