ԱՊՀ անդամ երկրների ԱԳՆ ղեկավարների խորհրդի նիստում ելույթի ժամանակ Ադրբեջանի ԱԳ նախարար Ջեյհուն Բայրամովն ասել է. «Չնայած բոլոր դժվարություններին, Ադրբեջանը պատրաստ է Հայաստանի հետ հարաբերությունների կարգավորման՝ միջազգային իրավունքի սկզբունքների, մասնավորապես, պետությունների ինքնիշխանության, տարածքային ամբողջականության և սահմանների անձեռնմխելիությունը հարգելու սկզբունքի հիման վրա»,- փոխանցում է АПА-ն: Այդ երկրի նախարարը նշել է, որ Ադրբեջանը կոչ է անում սկսել սահմանազատման ու սահմանագծման աշխատանքները: