«Գյումրիում մասնակցությունը չափազանց պասիվ է, որը բնական է, մենք այդպես էլ կանխատեսում էինք»,- այսօր լրագրողների հետ զրույցում ասաց «Թասիբով» դաշինքի Գյումրիի քաղաքապետի թեկնածու Կարապետ Պողոսյանը: «Նախ էն հանգամանքը, որ թեկնածուների մեծ մասը քարոզարշավի ժամանակ շատ պասիվ էին ու ես իմ եթերներից մեկի ժամանակ էլ ասել եմ, որ սա այն ընտրություններից է, որ ընտրողը պետք է գնահատի թեկնածու անկեղծությունը, որովհետև իշխանությունը գտնվում է գետնին, բայց ժողովուրդը շատ ուշադիր նայում է այդ իշխանությանը եւ թույլ չի տալիս, որ որևէ մեկը գա և վերցնի: Նա թույլ կտա այն թեկնածուին, ով իրապես անկեղծ է եղել այս ընթացքում և իր անկեղծությամբ է ներկայացրել իր մոտիվացիան քաղաքապետի ընտրություններում»,- ասաց նա: |