Ռոբերտ Քոչարյանի և Արմեն Գևորգյանի գործով դատական նիստն ընդմիջվեց՝ Գևորգյանի պաշտպան Լուսինե Սահակյանի բացակայության պատճառը պարզելու համար, այս մասին հայտարարեց դատավոր Աննա Դանիբեկյանը: Ընդմիջումից հետո դատավորը հայտնեց, որ աշխատակազմը կապ է հաստատել Սահակյանի հետ, ով տեղեկացրել է, որ դատարանի էլեկտրոնային փոստին ուղարկել է դիմումը, որը ստացվել է ավելի ուշ, ապա ներկայացրեց բովանդակությունը. «Տեղեկացնում եմ ձեզ, որ շարունակում եմ քրգործի նյութերի բազմահատոր հատվածին ծանոթանալ: Բացի այդ, նախօրեին մահացել է փաստաբան Ռուբեն Սահակյանը, խնդրում եմ նիստը հետաձգել, քանի որ վեը նշված պատճառներով ներկայանալ չեմ կարող»: |