Այսօր երեկոյան լարված իրավիճակ է ստեղծվել Նոր Նորքի 7-րդ զանգվածում։ Երևանի քաղաքապետարանի աշխատակիցները քանդում էին Հունան Ավետիսյան 5 հասցեում գտնվող 2 քարե շինությունները, որոնք ավտոտնակ էին ծառայում բնակիչների համար: Նշենք, որ ոստիկանության աշխատակիցների և քաղաքացիների միջև քաշքշուկ է տեղի ունեցել: Համացանցում են հայտնվել կադրեր, որտեղ երևում է՝ ինչպես է ոստիկանը հարվածում քաղաքացիներից մեկին: Ըստ նախնական տեղեկությունների՝ կա բերման ենթարկված: |