Այսօր երեկոյան արտակարգ դեպք է տեղի ունեցել Արմավիրի մարզում: Շտապօգնության ավտոմեքենայով «Արմավիր» բժշկական կենտրոն է տեղափոխվել 19-ամյա զինծառայող՝ ձեռքի կտրված մատներով: Ինչպես հայտնում է ֆոտոլրագրող Գագիկ Շամշյանը, նա անզգուշաբար վիրավորում է ստացել Արմավիրի մարզի հրաձգարանում: Քիչ առաջ ևս 3 զինվոր է հոսպիտալացվել նույն հրաձգարանից. նրանց կյանքին վտանգ չի սպառնում: Այս պահին հիվանդանոցում են գտնվում ՀՀ պաշտպանության նախարարության Ռազմական ոստիկանության Արմավիրի մարզի ռազմական ոստիկանության ծառայողները: |