Սուդանի ինքնիշխան խորհրդի անցումային իշխանության նախագահ Աբդել Ֆաթթահ ալ-Բուրհանը երկրում արտակարգ դրություն է հայտարարել, ինչպես նաև արձակել կառավարությունը, հայտնում է РИА Новости-ն: Ավելի վաղ հայտնել էինք ռազմական հեղաշրջման մասին. զինվորականները ձերբակալել էին երկրի վարչապետին ու չորս նախարարների: Քաղաքացիները դուրս էին եկել փողոց՝ պահանջելով վերականգնել երկրի օրինական իշխանությունը։ Խարթումում անջատված են ինտերնետը և բջջային կապը, բանակը փակել է մայրաքաղաքի մուտքերը: Զինվորականները վերահսկողություն են հաստատել պետական ռադիոյի և հեռուստատեսության շենքի վրա: 2019 թվականին Սուդանում տեղի ունեցած իշխանափոխությունից հետո երկիրը կառավարում էր զինվորականներից և քաղաքացիական գործիչներից կազմված ժամանակավոր խորհուրդը։ Վերջին շաբաթներին նրանց միջև հարաբերությունները լարվել էին: |