ՄԱՄՈՒԼ.ամ
Hay / Հայ | Рус | Eng | Tür
USD 489.99, EUR 553.44, RUB 6.65, GBP 650.95
-4 °C, -4 °C ... +6 °C Վաղը`+8 °C
«Տեղյակ եմ, որ այսօր Ձեր ծննդյան օրն է․ ինքներդ Ձեզ նվեր արեք և ինքնաբացարկ հայտնեք»․ Կոչուբաև
14:54, 26.10.2021
3534 | 0

«Ես ուզում եմ հիմնավորել իմ ինքնաբացարկ հայտնելու միջնորդությունը և երկու խնդիր եմ դնում Ձեր առջև»,- Ռոբերտ Քոչարյանի և Արմեն Գևորգյանի գործով դատական նիստի ժամանակ՝ դիմելով դատարանին, ասաց Գևորգյանի փաստաբան Ալեքսանդր Կոչուբաևը։

«Դուք չեք կարող քննել այս քրեական գործն իմ մասնակցությամբ, որովհետև ես և Դուք դատավարական տարբեր կողմերում ենք գտնվում»,- նշեց նա։

«Այս դատավարությունը՝ թե՛ դրական, և թե՛ բացասական առումով, կարող եք օգտագործել իմ վրա ազդեցություն գործածելու համար, կամ ի նպաստ Ձեզ՝ ցուցմունքներ տալու, կամ ի վնաս Ձեզ՝ որոշակի ցուցմունքներ չտալու առումով»,- հիմնավորելով ինքնաբացարկ ներկայացնելու պատճառները, ասաց փաստաբանը։

Կոչուբաևը հավելեց՝ տեղեկացված է, որ այսօր Աննա Դանիբեկյանի ծննդյան օրն է․ «Ես խնդրում եմ՝ ինքներդ Ձեզ նվեր արեք և Ձեզ բացարկ եմ ներկայացնում, և միջնորդում եմ, որպեսզի Դուք ինքնաբացարկ հայտնեք»,- ասաց նա։

Կիսվի՛ր այս նյութով՝
| |
դեպի վեր