+15 °C, +14 °C ... +26 °C Վաղը`+25 °C
ՀՀ վարչապետ Նիկոլ Փաշինյանը խորհրդարանում ընթացող հարցուպատասխանի ընթացքում հայտարարեց, որ «միջանցքային տրամաբանություններն» ու «միջանցքային հռետորաբանությունը» ավելի են խորացնում հակադրությունը և թշնամանքը, թշնամության մթնոլորտը տարածաշրջանում։ Նա նշեց, որ ՀՀ կառավարությունը շարունակում է մնալ այն տեսակետին, որ տարածաշրջանային բոլոր տնտեսական և տրանսպորտային կոմունիկացիաները պետք է բացվեն։ Հենց դա էլ, ըստ նրա, անվտանգության և խաղաղության երաշխիքն է։ «Սա առաջին հերթին նշանակում է, որ երկաթուղիները, որոնք ժամանակին գոյություն են ունեցել, որոշակի հերթականությամբ պետք է սկսեն բացվել և մատչելի դառնալ տարածաշրջանի երկրների համար։ Ավտոճանապարհները, որոնք ժամանակին գոյություն են ունեցել, ինչ-որ հերթականությամբ պետք է բացվեն և մատչելի դառնան տարածաշրջանի երկրների համար։ Եվ կարծում եմ նաև, որ դա է անվտանգության կարևոր կոմպոնենտը, որովհետև երբ տնտեսական և նաև զուգահեռ կապերը սկսում են աշխատել, դա որոշակի երաշխիք է ստեղծում նաև անվտանգության և խաղաղության համար», - ասաց Փաշինյանը։ «Թե ինչ փուլերով, ինչ գրաֆիկով տեղի կունենա, դա է խնդիր։ Այս հարցում, կարծես թե, կա համաձայնութուն», - հայտարարեց նա, ապա հավելեց, որ հունվարի 11-ի հայտարարությունից առաջ էլ մեծ աղմուկ էր բարձրացել, սակայն այդ հայտարարության տեքստի նկատմամբ, նրա վստահեցմամբ, ոչ մի վերապահում այդպես էլ չի հնչել։ «Որովհետև նորմալ, կառուցողական տեքստ է։ Հիմա մենք քննարկում ենք, թե ինչ երթուղիներով դա պետք է կոնկրետ տեղի ունենա և, իմ կարծիքով, մեր դիրքորոշումն այն է, որ երթուղիները պետք է խաղաղությունը խորհրդանշեն և, ոչ թե կոնֆլիկտը», - ասաց նա։ |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am