Մոսկվան ստուգում է Դոնբասում Կիևի կողմից թուրքական ԱԹՍ-ների կիրառման մասին տեղեկությունը, այս մասին հայտարարել է ՌԴ ԱԳ նախարար Սերգեյ Լավրովը, փոխանցում է РИА Новости-ն: Ուկրաինայի ԶՈՒ ԳՇ-ն երեքշաբթի հայտնել էր, որ զինվորականները հակամարտության գոտում առաջին անգամ կիրառել են «Բայրաքթար»: Լավրովի խոսքով՝ Մոսկվան այդ տեղեկությունը կստուգի «հնարավոր բոլոր միջոցներով», այդ թվում՝ Դոնբասի ներկայացուցիչների հետ շփումներում: Նշվում է, որ շփման գծի ողջ երկայնքով ռազմական ինքնաթիռների և ԱԹՍ-ների թռիչքն արգելված է Մինսկի համաձայնագրերով: |