«Որոշ լրատվամիջոցներում տեղեկություններ հրապարակվեցին, որ Գեղարքունիքի պետական սահմանի հատվածում լարվածություն կա: Ի՞նչ է տեղի ունեցել: Նաև նշվում էր, որ նռնակի պայթյունի հետևանքով վիրավորներ ունենք, դա ի՞նչ կապ ունի լարվածության հետ»,- դիմելով ՊՆ փոխնախարարին՝ հարցրեց ընդդիմադիր խմբակցության պատգամավոր Թագուհի Թովմասյանը: Արման Սարգսյանն ասաց, որ տեղեկություն չունի. «ՊՆ-ից դուրս գալու ժամանակ որևէ նման տեղեկություն չեմ ստացել: Մինչև նիստի ավարտը, եթե ինչ որ բան լինի, կհորդորեմ մեր լրատվական ծառայությանն՝ արագ տեղեկություններ հրապարակել, որպեսզի բոլոր կասկածներն ու մտահոգությունները փարատվեն»: |