«Ազատագրում» շարժումը հայտնում է. «Վարդենիսում տեղի ունեցած սադրանքից հետո շփման գծի ողջ երկայնքով հայտարարվել է բարձր պատրաստության վիճակ: Համարձակվում եմ ենթադրել, որ առաջիկա մի քանի գիշեր ու ցերեկ խիստ լարված է լինելու, և սադրանքները շարունակվելու են։ Նման բան միշտ տեղի է ունեցել հանդիպումների նախաշեմին։ Ըստ իս՝ բանակցություններից առաջ Ադրբեջանն անպայման կփորձի ուժային եղանակով իր համար առավելություն ապահովել։ Ամբողջ իրավիճակը շարժվում է դեպի որոշակի հանգուցալուծման, ու յուրաքանչյուր քայլի հետ խաղադրույքն ավելի է բարձրանում»: