Երևան քաղաքի ընդհանուր իրավասության դատարանի դատավոր Դավիթ Հարությունյանի որոշմամբ «Դրո»-ի գործով ցմահ ազատազրկման դատապարտված Արսեն Արծրունին ազատ է արձակվել։ «Դրական որոշման համար նախադրյալներ կային։ Դատարան էր դիմել ՔԿՀ-ն՝ հիմք ընդունելով Քրեակատարողական և Պրոբացիայի ծառայության միջնորդությունը»,- ասել է պաշտպան Ռոբերտ Ռևազյանը՝ «Ա1+»-ի հետ զրույցում։ Հիշեցնենք, որ Արսեն Արծրունին ձերբակալվել էր 1994-ի դեկտեմբերին «Դրոյի գործի» շրջանակներում՝ սպանությունների պատվեր տալու մեղադրանքով, իսկ 1996-ի դեկտեմբերին դատապարտվել մահապատժի։ 2003-ին ՀՀ նախագահի կողմից մահապատիժը փոխարինվել էր ցմահ ազատազրկմամբ: |