«Ոստիկաններն ապօրինի բերման ենթարկեցին և վարչական ձերբակալում կիրառեցին: Պետք է նշեմ, որ կենտրոնական բաժնում անառողջ մթնոլորտ է տիրում»,- դուրս գալով ոստիկանության շենքից՝ ասաց «Ազատագրական շարժում» նախաձեռնող խմբի անդամ Արա Զոհրաբյանը: Անդրադառնալով ոստիկանների գործողություններին՝ նշեց. «Պատահական մարդիկ, քաղաքացիական հագուստով, կիսահագնված, առանց ներկայանալու մոտենում են՝ դիմակ ինչո՞ւ չես դրել... նույնիսկ չգիտեն, որ քաղաքացու հետ խոսելիս՝ նախ պատիվ են առնում, ներկայնում են, նոր ոստիկանության անունից սկսում են խոսել...: Երբ պահաջում, ասում ենք՝ ներկայացեք՝ ո՞վ եք դուք, ասում են՝ չենք ներկայանա»,- ասաց Զոհրաբյանը: