ՄԱՄՈՒԼ.ամ
Hay / Հայ | Рус | Eng | Tür
USD 481.52, EUR 548.74, RUB 6.28, GBP 656.02
-2 °C, -14 °C ... -2 °C Վաղը`-3 °C
«Պայքարի դասական տարբերակները չեն աշխատում». Կարեն Հեքիմյան
22:06, 28.11.2021
2743 | 2

«Քաղաքացու իրավունքների պաշտպան» ՀԿ նախագահ Կարեն Հեքիմյանը ֆեյսբուքյան իր էջում գրել է. «Ժեխերն ակտիվացել են: Ասում են, որ միջանցք չի լինելու և, ընդհանրապես 2020թ. նոյեմբերի 9-ի եռակողմ համաձայնագիրը Հայաստանի օգտին է: Վերջիններս նաև հիմնականում պատվաստված են կամ, գոնե պատվաստվելու վերաբերյալ թուղթ ունեն: Տպավորությունն այնպիսին է, որ նրանք ամեն ինչի վերաբերյալ տեղեկացվում են միասնական տեղեկատվական կենտրոնից: Այսինքն, գործ ունենք բոլոր իմաստներով միասնական և կազմակերպված զանգվածի հետ, որը Հայաստանը նպատակաուղղված կործանման է տանում:
Քաղաքական դաշտում եղած մնացած ուժերն անջատ են և փոքրաքանակ: Ուժերի այսօրինակ դասավորվածություն դեռ չի եղել:
Բոլորի հույսն արտաքին ազդեցությունն է, ինչը նշանակում է, որ դե ֆակտո անկախությունն արդեն կործանվել է:
Տրամաբանորեն, հրամցվում է «չարյաց փոքրագույնը» ընտրելու ձևաչափը:
Այս իրավիճակում պայքարի դասական տարբերակները՝ հանրահավաքներ, երթեր և այլն, չեն աշխատում: Անհրաժեշտ են կրեատիվ քայլեր: Օրինակ՝ մանդատներից հրաժարվելով, սահմանադրական ճգնաժամի ստեղծում և, վերջապես չպետք է մոռանալ պայքարի «հակասահմանադրական» մեթոդների մասին: Իհարկե, եթե Հայաստանի ճակատագրով դեռ հետաքրքրվողներ կան»:

Աղբյուրը` Կարեն Հեքիմյան
Կիսվի՛ր այս նյութով՝
| |
դեպի վեր