ԼՀԿ խորհրդի անդամ, ԱԺ նախկին պատգամավոր Արմեն Եղիազարյանը ֆեյսբուքյան իր էջում գրել է. «Այսօր հանդես եմ եկել առաջարկությամբ, որով Առողջապահության նախարարությանն առաջարկում եմ Covid19-ով հիվանդ քաղաքացիների համար համակարգչային տոմոգրաֆիան իրականացնել պետպատվերի շրջանակներում, քանի որ, անապահով քաղաքացիները և թոշակառուները, չկարողանալով վճարել համակարգչային տոմոգրաֆիայի համար նախատեսված 30.000-ից 40.000 դրամը, չեն կարողանում ժամանակին ախտորոշել զարգացող թոքաբորբի աստիճանը և ստանալ համապատասխան բուժում, իսկ ուշացված բուժման արդյունքում քաղաքացիների մոտ լինում էն բարդություններ և, ցավոք, մահվան ելքեր: Հ. Գ. Ռենտգենով կատարված թոքաբորբի ստուգումները գրեթե միշտ տալիս են բացասական արդյունք, ինչը մարդկանց գցում է շփոթության մեջ, որի հետևանքով ունենում ենք ծանր և անդառնալի հետևանքներ...»: |