«Քանի որ հիմա այնտեղ եղանակային ոչ բարենպաստ պայմաններ են, ըստ երևույթին, ադրբեջանցիները մտել են իրենց կայանների մեջ ու պետք չէ ինչ-որ գյուղապետի վրա հղում անել։ Ինչո՞ւ պետք է հետ քաշվեն, իրենք տեսնում են, որ իրենց դիմաց թուլամորթ անձնավորություն է, ինչո՞ւ պետք է հետ քաշվեն։ Այն պնդումը, որ հետ են քաշվել, որևէ հիմք չունի, ադրբեջանցիները շարունակում են մնալ իրենց դիրքերում, սա իմ կարծիքն է»,- այս մասին խորհրդարանում, լրագրողների հետ զրույցում, ասել է Սյունիքի նախկին մարզպետ, «Հայաստան» խմբակցության պատգամավոր Վահե Հակոբյանը՝ անդրադառնալով Իշխանասարից ադրբեջանական զորքի՝ հետ քաշվելու վերաբերյալ տեղեկություններին: |