Ծաղրանկարիչ, նկարիչ Սուքիաս Թորոսյանը ֆեյսբուքյան իր էջում հրապարակել է լուսանկար և կից գրել. «Թորոս Ա իշխանապետի օրոք պատրաստված ոսկեջրած արծաթե գոտու ձախ հատվածը, 12-րդ դար /Կիլիկիա Սիս/։ Սադափի վրա փորագրված է սբ.Հեղինեն, աջ ձեռքում խաչն է, իսկ ձախում մեխերը։ Ոճը հիշեցնում է բյուզանդականի, և դա պատահական չէ, քանի որ Թորոս Ա իշխանապետը գահակալման սկզբին տեղի հայերի աջակցությամբ բյուզանդական տիրապետությունից ազատագրել է Սիսը և մոտակայքում հիմնել Դրազարկի վանքը, որն այնուհետև դարձել է նաև Ռուբինյանների դամբարան»։ |