ԵԱՀԿ Մինսկի խմբի համանախագահներն ափսոսանք են հայտնել, որ չի հաջողվել անցկացնել Հայաստանի ու Ադրբեջանի ԱԳ նախարարների համատեղ հանդիպումը Ստոկհոլմում՝ նրանց հովանու ներքո: Այդ մասին ասվում է ԵԱՀԿ ՄԽ համանախագաներ Էնդրյու Շոֆերի (ԱՄՆ), Իգոր Խովաևի (ՌԴ) ու Բրիս Ռոքֆյոյի (Ֆրանսիա) համատեղ հայտարարության մեջ: «Համանախագահները հանդիպել են Հայաստանի ԱԳՆ Արարատ Միրզոյանի հետ դեկտեմբերի 1-ին ու Ադրբեջանի ԱԳՆ Ջեյհուն Բայրամովի հետ դեկտեմբերի 2-ին Ստոկհոլմում ԵԱՀԿ նախարարների խորհրդի հանդիպման շրջանակում: Համանախագահները նաև հանդիպել են ԵԱՀԿ նոր գործող նախագահի՝ Լեհաստանի ԱԳՆ Զբիգնև Ռաուի հետ: Հանդիպումներին մասնակցել է ԵԱՀԿ գործող նախագահի անձնական ներկայացուցիչ Անջեյ Կասպրշիկը: |