«Ակնհայտ է, որ Նիկոլ Փաշինյանը կորցնում է, կորցրել է շատ խոշոր համայնքներում իր իշխանությունը. և այսօրվա գրառումը նաև դրա ապացույցն է, չնայած նրան, որ երեկ իշխանական պատգամավորները փորձում էին տպավորություն ստեղծել՝ ինչ-որ թվեր հնչեցնել, թե «Քաղաքացիական պայմանագիր» կուսակցությունը շարունակում է ունենալ իշխանություն Հայաստանի Հանրապետությունում»,- այսօր Խորհրդարանում «Հայաստան» խմբակցության հրավիրած մամուլի ասուլիսի ժամանակ ասաց ԱԺ պատգամավոր Ագնեսա Խամոյանը՝ նշելով, որ երեկվա ընտրություններում աննախադեպ ճնշումներ են գործադրվել: