«Նիստից առաջ մի խումբ պատգամավորներ անձնական երաշխավորության միջնորդություն են պատրաստել, որպեսզի ներկայացնեն դատարան, սակայն մի քանի ժամ առաջ պարզվել է, որ դատավորն առողջական խնդիրներ ունի և նիստը չի կայանալու»,- լրագրողների հետ զրույցում ասաց «Հայաստան» խմբակցության պատգամավոր Արամ Վարդևանյանը: Նա նշեց, որ այսօր նշանակված էր Սիսիանի նախկին քաղաքապետ Արթուր Սարգսյանի խափանման միջոցի վերաբերյալ հարցի քննությունը, որը, սակայն, տեղի չունեցավ: «Արթուր Սարգսյանն օժտված է պատգամավորի անձեռնմխելիությամբ, բայց այս պահին գտնվում է կալանավայրում, ինչպես մեր շատ գործընկերներ»,- ասաց պաշտպանը։ «Երեք շաբաթից, ուզեն, թե չուզեն, Արթուր Սարգսյանը լինելու է ազատության մեջ, քանի որ վաղեմության ժամկետն է անցնում»,–տեղեկացրեց Վարդևանյանը: |