«Սրանց ձեռագիրը չի փոխվում, սրանք կարող են դա անել այն ժամանակ, երբ ոհմակով են և շատ են: Եթե էդքան լավ մարտական մարդիկ են՝ տեղը կար ցույց տալու, և պատերազմի դաշտում թող գոնե գեթ մեկ մասնակցություն ունենային, գեթ մեկ վիրավոր լիներ իրենցից, էդ ժամանակ կմտածեինք, որ տղայական կամ տղամարդավարի որևէ բան կա իրենց մեջ»,- մեկնաբանելով ԱԺ-ում տեղի ունեցած միջադեպը՝ լրագրողների հետ զրույցում ասաց ՀՅԴ Հայաստանի Գերագույն մարմնի անդամ, բժիշկ, ազատամարտիկ Տարոն Տոնոյանը: «Ինչ փոխվեց, որ մի ժամանակ վարչապետն իր որդու հետ էր ուզում փոխարինել գերիներին, հանկարծ այսօր այդ գերիները դառել են հայրենիքի դավաճան,- ասաց Տոնոյանը՝ հավելելով,- սա թուրքին վայել արարք է, և պետք է պատասխան տան»։ |