+24 °C, +13 °C ... +24 °C Վաղը`+24 °C
Ազգային ժողովում հարց հղելով վարչապետ Նիկոլ Փաշինյանին՝ ընդդիմադիր խմբակցության պատգամավոր Ագնեսա Խամոյանն ասաց. «Դուք մեր ֆրակցիայի պատգամավորին մեղադրում եք Ադրբեջանի շահերը սպասարկելու համար: Ժանրի կանոններով, պարո՛ն Փաշինյան, հիմա ես ձեզ պետք է մեղադրեմ Ադրբեջանի շահերը պաշտպանելու համար: Դուք եք Ադրբեջանի նախագահին անվանել կիրթ և կառուցողական, ով պատրաստ է հարցի լուծման: Դուք եք նրա հետ Դուշանբեի վերելակում անհասկանալի ինչ-որ գրառումներ արել: Ձեր օրոք ենք մենք կորցրել Արցախի հատվածը, հազարավոր զոհեր վիրավորներ, տասնյակ հազարավոր անտուններ ունեցել: Դուք եք Էյվազլի և Չայզամլի եզրույթները մտցրել մեր խոսույթ ու հայտնվել ադրբեջանական մամուլում: Հարցս հետևյալն է: Ակնհայտ է, որ հրաժարական տալով՝ դուք կարող էիք կանխել պատերազմը, մանավանդ որ խոստովանում եք, որ բանակցություններում անելանելի վիճակ էր ստեղծվել»: Ի պատասխան Փաշիննյանն ասաց, թե 2016 թվականի դրությամբ բանակցային գործընթացում տեղի է ունեցել աղետ, և Ղարաբաղը կորցրել է բանակցային բովանդակությամբ Ադրբեջանի կազմից դուրս լինելու գործնական և տեսական բոլոր հնարավորությունները: «Եվ դա ձեր իշխանության ժառանգությունն է: Սա կապացուցեմ ցանկացած տեղով: Էդ դռնփակ նիստը արեք, էդ բանակցային բովանդակությունը բերեմ, դնեմ սեղանին: Էդ հո կենաց ասելով չի՝ Սանասարը, Բաղդասարը, չգիտեմ ովը: Բա էդ ո՞նց ա, գնում էիք բանակցելու, դառնում էր Ֆիզուլի Էդ հերոսին ինչի՞ եք գնացել բանակցային սեղանի շուրջ դարձրել սակարկման առարկա»,- զայրացավ Փաշինյանը: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am