+25 °C, +15 °C ... +25 °C Վաղը`+26 °C
ԱԺ-ն կողմ քվեարկեց Կառավարության կողմից ներկայացված «ՀՀ հարկային օրենսգրքում լրացում կատարելու մասին» օրենքի նախագծին, որով նախատեսվում է մինչև 2024 թվականի հունվարի 1-ը երկարաձգել բացառապես էլեկտրական շարժիչով տրանսպորտային միջոցների ներմուծման և օտարման համար գործող արտոնության ժամկետները։ Նախագիծն ներկայացրեց ՀՀ շրջակա միջավայրի նախարարի տեղակալ Գայանե Գաբրիելյանը: «Նախատեսվում է մինչև 2024 թվականի հունվարի 1-ը երկարաձգել բացառապես էլեկտրական շարժիչով աշխատող տրանսպորտային միջոցների՝ մասնավորապես մեծ, միջին փոքր ավտոբուսների, մարդատար տրանսպորտային միջոցների, մոտոցիկլետների և մոպեդների ներմուծման և օտարման համար գործող արտոնության ժամկետները»,-նշեց նա: «Հարկային օրենսգրքով սահմանված արտոնությանը զուգահեռ ներկայում ԵԱՏՀ-ի որոշմամբ՝ մինչև 2021թ. դեկտեմբերի 31-ը էլեկտրական շարժիչով աշխատող մարդատար տրանսպորտային մեքենաների համար զրոյացվել են ներմուծման մաքսատուրքի դրույքաչափերը»,- ընդգծեց փոխնախարարը: «Հայաստան» խմբակցության անդամ Հռիփսիմե Ստամբուլյանը հավելեց, որ նախագիծը մշակվել է դեռևս նախկին կառավարության օրոք: «Կարծում եմ, որ օրինագիծը աշխատելու է և կունենա էֆեկտիվ բնույթ»,- նշեց պատգամավորը՝ հավելելով, որ ԱԺ տնտեսական հանձնաժողովը նախագծին տվել է դրական եզրակացություն։ |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am