+16 °C, +13 °C ... +24 °C Վաղը`+27 °C
Թուրքիայի ԱԳ նախարարը երեկ հայտարարել էր, որ Թուրքիան և Հայաստանը հարաբերությունները կարգավորելու համար կնշանակեն հատուկ բանագնացներ, ինչպես նաև խոսել էր Հայաստանի հետ ավիահաղորդակցությունը վերականգնելու մասին: Bloomberg-ը մանրամասներ է ներկայացրել այս գործընթացում ԱՄՆ նախագահ Ջո Բայդենի դերի մասին: «Հոկտեմբերին՝ Հռոմում կայացած Էրդողան-Բայդեն հանդիպման ժամանակ, ԱՄՆ նախագահը թուրք պաշտոնակցին կոչ է արել՝ բացել դեպի ծով ելք չունեցող Հայաստանի հետ սահմանը»,- գրել է պարբերականը՝ հավելելով, որ տեղեկությունն ստացել է թուրք բարձրաստիճան պաշտոնյաներից մեկից: «Թուրքիան հուսով է, որ Հայաստանի հետ հարաբերությունների կարգավորմանն ուղղված քայլերը կօգնեն Անկարային բարելավել հարաբերությունները Վաշինգթոնի հետ, որոնք լարվել են՝ կապված ռուսական հակաօդային պաշտպանության համակարգերի գնման հետ»,- նշված է հոդվածում: Bloomberg-ը հոդվածը վերնագրել է «Թուրքիան փորձում է կարգավորել Հայաստանի հարաբերությունները՝ Բայդենին հաճոյանալու համար»: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am