Ամերիկացի բժիշկները 57-ամյա տղամարդուն գենետիկորեն մոդիֆիկացված խոզի սիրտ են փոխպատվաստել, հայտնում է The New York Times-ը՝ հղում կատարելով Մերիլենդի համալսարանի բժշկական կենտրոնի վիրաբույժներին:

Վիրահատությունն անցկացվել է Բալթիմորում և տևել է շուրջ 8 ժամ: Բժիշկների խոսքով՝ հիվանդն իրեն լավ է զգում՝ զարկերակային ճնշումը նորմալ է:

«Տղամարդը համաձայնել է փորձարարական միջամտությանը, որովհետև առանց վիրահատության չէր ապրի, իսկ դոնոր սրտի փոխպատվաստում հնարավոր չէր կատարել՝ ծանր հիվանդության պատճառով: Բուժման մնացած բոլոր տարբերակները նա փորձել էր, բոլորն՝ անօգուտ»,- հավելում է լրատվամիջոցը: