Ամերիկահայ ռոք երաժիշտ Սերժ Թանկյանը ֆեյսբուքյան իր էջում հրապարակել է ադրբեջանական ագրեսիայի հետևանքով նախօրեին զոհված կրտսեր սերժանտ Ռուդիկ Ղարիբյանի լուսանկարը և կից գրել․ «Հայաստանի և հայերի նկատմամբ Ադրբեջանի ագրեսիան մշտական պատերազմական հանցագործություն է։ Այս երիտասարդն արժանի չէր սպանվել Ալիևի էգոիզմի պատճառով: Սա Ռուդիկ Ղարիբյանն է Լոռու Ալավերդի քաղաքից։ Նա 1 ամսից պետք է ավարտեր իր ծառայությունը։ 19-ամյա Ղարիբյանը սպանվել է ադրբեջանական զինուժի կողմից։ «Ես գնում եմ, բայց կվերադառնամ՝ միշտ ժպտալով», - գրել է նա 2021 թվականին, երբ նրան զորակոչում էին ծառայության»։
|