«Ազատագրում» շարժման առաջնորդ Միկա Բադալյանը գրել է. «Ադրբեջանի զինված ուժերը հունվարի 11-ին օգտագործել են բայրաքթարներ Հայաստանի ինքնիշխան տարածքում գտնվող` Վարդենիսի մոտ տեղակայված հայկական դիրքերի ուղղությամբ հարվածելուց:
Տվյալ կադրերում տեսնում ենք MAM-L գերճշգրիտ ռումբի բեկորները, որը հատուկ մշակված է «Բայրաքթար»-ի համար։ Մեկ ԱԹՍ-ն տեղորոշում է, երկրորդը հարված է հասցնում։ Երեկվա սադրանքի ժամանակ օգտագործվել են նաև կամիկաձե դրոններ, որոնց հարվածի հետևանքով զոհվել է մեկ հայ զինվոր։
Հիշեցնենք, որ ավելի վաղ Ադրբեջանի ՊՆ-ն պաշտոնապես հերքել էր, որ հունվարի 11-ին Վարդենիսի ուղղությամբ սանձազերծած սադրանքի ժամանակ ԱԹՍ-ներ և հրետանի է կիրառել, ինչը թշնամու պաշտպանության նախարարության հերթական կեղծիքն է»։