ՄԱՄՈՒԼ.ամ
Hay / Հայ | Рус | Eng | Tür
USD 450.71, EUR 480.77, RUB 8.04, GBP 562.98
+20 °C, +8 °C ... +20 °C Վաղը`+24 °C
«Նրանց համար թիվ մեկ սպառնալիքն ու վտանգը եղել ու մնում է ընդդիմությունը»․ Ա․ Ղազինյան
19:18, 17.01.2022 | mamul.am
1818 | 3

Աժ «Հայաստան» խմբակցության պատգամավոր Արթուր Ղազինյանի գրառումը․ «Նիկոլ Փաշինյանի կողմից ներդրված «ամուր նյարդերի» բանաձևը, ինչպես պարզ է դառնում նիկոլների անհավասարակշիռ, դյուրագրգիռ և հիստերիկ վարքագծից, վերաբերվում է բացառապես ալիևի իրենց ուղղված ծաղրին ու հոխորտանքներին:
Այլ խոսքերով ասած՝ ալիևի կողմից Հայաստանի և Հայ ազգին ուղղված վիրավորանքներն ու ցինիկ ծաղրը նորմալ է ընդունվում նիկոլների կողմից, իսկ այ, ընդդիմության սուր և մերկացնող ելույթներն ու հարցադրումները, քարուքանդ են անում նրանց «ամուր նյարդային համակարգը» և հոգեխանգարմունքի մեջ գցում:
Փաստորեն այս իրավիճակում «ամուր նյարդերի» կոնցեպտը հոմանիշ է «ամեն գնով իշխանություն պահելու» բանաձևի հետ, իսկ այդ հարցում Ադրբեջանն ու Թուրքիան նիկոլների համար գործընկեր են, ում նկատմամբ կիրառվում է «ամուր նյարդերի» բանաձևը, իսկ ընդդիմությունը՝ սպառնալիք:
Սպառնալիք են նաև նիկոլներին մերժող, չընդունող և նրանց դավաճան համարող հարյուրավոր ընդդիմադիրներն ու հարյուր հազարավոր Հայ մարդիկ:
ԱԺ-ում նրանց հիստերիկ կնոջը բնորոշ վարքագիծը՝ մարմնի ու վերջույթների անկանոն շարժումները, մարմնի տարբեր մասերը քորելու բնազդային շարժն ու ճղճղան ձայնը, վկայում է այն մասին, որ նրանց համար թիվ մեկ սպառնալիքն ու վտանգը եղել ու մնում է ընդդիմությունը:
Վախենում են, ու շատ էլ ճիշտ են անում. գիտեն ինչ են արել, գիտեն հիմա ինչ են անում:
Նաև գիտեն, որ հաստատ պատժվելու են․․․»։

Կիսվի՛ր այս նյութով՝
| |
դեպի վեր