«Հանրապետություն» կուսակցության անդամ Լյովա Եղիազարյանի գրառումը․ «Դաշնակ պատգամավորը ԱԺ ամբիոնից հայտարարում է, որ մարդն իրավունք ունի սեփական միջոցներից վճարի, գնա Տանզանիայում առյուծի որսին մասնակցի։ Իհարկե, իրավունք ունի, նայած, թե՝ ով։ Խոսքը Բիլ Գեյթսի կամ Իլոն Մասկի մասին չէ։ Հասկանալի է, թե ում մասին է ակնարկում դաշնակը։ Մինչև ե՞րբ եք որոշել մնալ պարտքի տակ։ Այսօր էլ պատանդ եք նրա ձեռքում, որովհետև տարիներ շարունակ եղել եք նրա հենարանն ու մասնակիցը երկիրը ասպատակելու ու թալանված միջոցները կուտակելու գործերում։ Դրա համար էլ Ազգային ժողովում ջղաձգվում եք, երբ խոսք է գնում նրա հանցավոր գործունեության մասին»։ |