ԱԺ «Հայաստան» խմբակցության պատգամավոր Արամ Վարդևանյանը լրագրողների հետ զրույցում անդրադառնալով ՍԴ որոշմանը և դիտարկմանը, որ աշխատողները շարունակում են վճարել ՊՇՌ թեստի համար, ասել է. «Խորհուրդ կտամ, որ աշխատողները գործատուների հետ համատեղ դնեն այս հարցը կառավարության առջև: Գործատուները կարող են ասել՝ ունենք պարտականություն ձեզնից թեստ ստանալու, բայց ՍԴ-ն ասել է, որ ձեր հաշվին վճարման պարտականությունը հակասահմանադրական է: ՍԴ-ն գործատուի վրա նման պարտականություն դնելու մասին որևէ բառ չի ասել»: Հիշեցնենք՝ ՍԴ-ն Սահմանադրությանը հակասող և անվավեր էր ճանաչվել առողջապահության նախարարի հրամանի այն հատվածը, համաձայն որի՝ աշխատողն իր հաշվին պետք է հանձնի կորոնավիրուսի ՊՇՌ թեստը: |