«Պետք է հասարակության համար բացահայտել, թե ինչպես է լինում, որ Թուրքիան, որը 44-օրյա պատերազմի ընթացքում բայրաքթարներ է գցել հայ ժողովրդի գլխին, նպաստեց նրան, որ հայկական կողմն ունեցավ ցավալի կորուստներ, հիմա, կարծես թե, բարյացակամ է դարձել»,-Ազգային ժողովում անդրադառնալով հայ-թուրքական հարաբերությունների հաստատմանը, ասաց «Հայաստան» խմբակցության պատգամավոր Անդրանիկ Թևանյանը: Շարունակելով խոսքը՝ ընդդիմադիր պատգամավորը նշեց․ «Մենք կողմ ենք հայ-թուրքական հարաբերությունների հաստատմանը առանց նախապայմանների, բայց դեմ ենք, երբ Թուրքիան իր նախապայմաններն է առաջ քաշում և ստանում, դեմ են, որ հայ-թուրքական պրոցեսը շաղկապվի Արցախի հարցի հետ»։ |