ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+16 °C, +5 °C ... +16 °C Վաղը`+20 °C
50-ամյա կնոջ լյարդից 3 կիլոգրամանոց մակաբույծ են հեռացրել
20:00, 23.01.2022 | mamul.am
7413 | 1

Ալմաթիում բժիշկները 50-ամյա կնոջ լյարդից ավելի քան 3 կիլոգրամանոց մակաբույծ են հեռացրել։ Վիրահատությունը բարդացել է հիվանդի մոտ քրոնիկական վիրուսային հեպատիտ B-ի առկայությամբ, հաղորդում է My City պորտալը։
Կինը տեղի հիվանդանոց է դիմել որովայնի անհամաչափություն և աջ հիպոքոնդրիումի ծանրություն գանգատներով։ Ուլտրաձայնային հետազոտությունից հետո պարզ է դարձել, որ այս հատվածում առկա է ուռուցքանման հսկա գոյացություն։ Պարզվել է, որ դա լյարդի ալվեոկոկոզ է՝ մակաբուծական հիվանդություն, որն առաջանում է, երբ մարդու օրգանիզմ է ներթափանցում երիզորդի թրթուրն ու սկսում աճել։ Ավելին, դրա ի հայտ գալու պահից մինչև ինքնազգացողության և կլինիկական ախտանիշների վերաբերյալ բողոքների առաջացումը կարող է անցնել 10 տարի և ավելի։

Արդյունքում բժիշկները բարդ վիրահատության ժամանակ հեռացրել են 3,3 կիլոգրամ կշռող ալվեոկոկոզը։ Միջամտությունը տևել է մոտ 10 ժամ։ Վիրաբույժները հեռացրել են լյարդի գրեթե 75%-ը, որը վարակված է եղել մակաբուծային հյուսվածքով։

Կիսվի՛ր այս նյութով՝
դեպի վեր