Ազգային ժողովը քննարկում է Մարդու իրավունքների պաշտպանի ընտրության հարցը: «Քաղաքացիական պայմանագիր» խմբակցությունը ՀՀ մարդու իրավունքների պաշտպանի պաշտոնում առաջադրել է Քրիստինե Գրիգորյանի թեկնածությունը: Դիմելով Գրիգորյանին՝ «Հայաստան» խմբակցության պատգամավոր Աննա Գրիգորյանը հարցրեց. «Մեր երկրում քաղբանտարկյալներ կա՞ն, թե՞ ոչ»: «ԵԽԽՎ հանձնաժողովը մոնիթորինգ է իրականացնում ՀՀ-ում ու արձանագրել է, որ մեր երկրում քաղբանտարկյալներ չկան. այս արձանագրման հետ ես համաձայն եմ»,- պատասխանեց ՄԻՊ թեկնածուն: |