«Լուսավոր Հայաստան» կուսակցության ղեկավար Էդմոն Մարուքյանն ու ՀՀ ԱԳ նախարար Արարատ Միրզոյանը կարող են դառնալ ՀՀ նախագահի հավանական թեկնածուներ, գրում է Интерфакс-ը՝ հղում կատարելով հայկական ԶԼՄ-ների հրապարակումներին: «Այս պաշտոնի նկատմամբ լուրջ հետաքրքրություն ունի Արարատ Միրզոյանը, իսկ Էդմոն Մարուքյանը 168.am-ի հետ զրույցում ասել է, որ ընտրություններին մասնակցելու մասին կխոսի՝ երբ ժամանակը գա»,- գրել է լրատվամիջոցը: Հիշեցնենք՝ ՀՀ նախագահ Արմեն Սարգսյանը հրաժարականի մասին հայտնել էր հունվարի 23-ին: |