«Ո՞վ եք Դուք, որ գնահատեք մասնագիտական հանրույթի հարգանքն ու հեղինակությունը.... Ձեր միակ ձեռքբերումը երևի ձեր ազգանունն է, որը իրավաբանական հանրույթում բավականին հայտնի է: Ես Ձեզ կոռեկտության կոչ եմ անում»,- դիմելով «Հայաստան» խմբակցության պատգամավոր Արթուր Ղազինյանին՝ հայտարարեց ՔՊ-ական պատգամավոր Վաղարշակ Հակոբյանը: «Կնոջ հետ խոսելիս խորհուրդ եմ տալիս այլ հռետորաբանություն ընտրել»,- հավելեց նա: Հիշեցնենք՝ ավելի վաղ Արթուր Ղազինյանը խոսելով ՄԻՊ թեկնածու Քրիստինե Գրիգորյանի մասին, ասել էր, որ նա «ո՛չ տեսական, ո՛չ գործնական հնարավորություն չունի հասնելու գործող ՄԻՊ-ի կողմից սահմանված բարձր նշաձողին»: «Քաղաքացիական պայմանագիր» խմբակցությունը ՀՀ մարդու իրավունքների պաշտպանի պաշտոնում առաջադրել է Քրիստիննե Գրիգորյանի թեկնածությունը: |