ՀՀ մարդու իրավունքների նոր պաշտպան Քրիստինե Գրիգորյանը երդվեց. «Ստանձնելով ՄԻՊ պաշտոնը՝ երդվում եմ. հավատարիմ լինելով Սահմանադրությանն ու օրենքներին, արդարության սկզբունքներին՝ պաշտպանել մարդու և քաղաքացու իրավունքներն ու ազատությունները: Երդվում եմ, որ լիազորություններս կկատարեմ անաչառ, առավելագույն բարեխղճությամբ ու ջանասիրությամբ»: ԱԺ փոխնախագահ Հակոբ Արշակյանը տեղեկացրեց, որ նոր պաշտպանն իր պարտականությունների կատարմանը կանցնի՝ նախորդ պաշտպանի պաշտոնավարման ժամկետի ավարտման հաջորդ օրը: Արման Թաթոյանի պաշտոնավարման ժամկետը լրանում է 2022 թվականի փետրվարի 23-ին: |