Քաղաքագետ Ռոբերտ Ղևոնդյանը ֆեյսբուքյան իր էջում գրել է. «Ժամեր առաջ ԱՄՆ-ն գրավոր պատասխանեց Ռուսաստանի անվտանգության պահանջներին, իսկ քիչ առաջ Ուկրաինայում ԱՄՆ դեսպանատունը կոչ արեց Ամերիկայի քաղաքացիներին անհապաղ լքել Ուկրաինան։
Ուկրաինական ճգնաժամը, փաստորեն, դուրս է գալիս կառավարելիության մակարդակից, և շատ մեծ է ռազմական բախման հավանականությունը։ Անկախ նրանից, թե կողմերից որը առաջինը կհարվածի, պատերազմը մեծ խնդիրներ է առաջացնելու նաև մեզ համար։ Հայաստանը ՀԱՊԿ անդամ է, և Ռուսաստանը կարող է պահանջել ուղղակի մասնակցություն։
Մեծ հնարամտություն և դիվանագիտական ճկունություն է պետք հանդես բերել Հայաստանն այդ վտանգից զերծ պահելու համար։ Հուսով եմ, մեր դիվանագիտական կորպուսի համապատասխան աշխատակիցներն այս պահին աշխատավայրերում են, քննարկում են ու վերլուծում են տարբեր սցենարներ և փորձում են լուծումներ գտնել Հայաստանի համար»: