Պատերազմից խուսափելու համար պետք է բանակցել, մինչդեռ շատերը շահարկում են էսկալացիան, այս մասին հայտարարել է ՌԴ անվտանգության խորհրդի փոխնախագահ Դմիտրի Մեդվեդևը, փոխանցում է РИА Новости-ն: «Քաղաքական, դիվանագիտական միջոցը՝ անվտանգության երաշխիքների շուրջ բանակցելն է»,- ասել է նա: «Եթե Ուկրաինան մուտք գործի ՆԱՏՕ, ապա ՌԴ սահմանի մոտ կհայտնվեն հարվածային սպառազինության նոր տեսակներ, նոր ռազմաբազա: Բայց հարցը դա չէ: Երկկողմ պայմանավորվածությունների հիման վրա ևս հնարավոր են նույն տեսակի հարվածային զենքեր, հրթիռներ հասցնել Ուկրաինայի կամ որևէ այլ երկրի տարածք»,- ասել է նա: |