ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+5 °C, +5 °C ... +16 °C Վաղը`+19 °C
Սլովակիան հայտարարել է Patriot-ի տեղակայման ստորաբաժանումների ժամանման մասին
16:18, 20.03.2022 | mamul.am
10851 | 0

Առաջին ստորաբաժանումները, որոնք կտեղակայեն Գերմանիայի և Նիդեռլանդների կողմից մատակարարված Patriot զենիթահրթիռային համակարգերը, սկսել են ժամանել Սլովակիա, Facebook-ում հայտնել է պաշտպանության նախարար Յարոսլավ Նագին։

«Ուրախ եմ հաստատել, որ Patriot հակաօդային պաշտպանության համակարգի տեղակայման համար պատասխանատու առաջին ստորաբաժանումները աստիճանաբար մտնում են Սլովակիայի Հանրապետության տարածք։ Գործընթացը կշարունակվի առաջիկա օրերին»,- գրել է Նագին։

Նա պարզաբանել է, որ հակաօդային պաշտպանության համակարգը ժամանակավորապես կտեղակայվի Սլովակիայի կենտրոնական Sliac ավիաբազայում, տեղակայման այլ տարածքներում, ներկայումս խորհրդակցություններ են անցկացվում փորձագետների հետ համակարգի հնարավորությունների վերաբերյալ՝ ընդգրկելու հանրապետության հնարավոր ամենամեծ տարածքը։

Նագին ընդգծել է, որ Patriot հակաօդային պաշտպանության համակարգը չի փոխարինի խորհրդային С-300-ին, այն լրացուցիչ տարր է Սլովակիայի օդային տարածքի պաշտպանության գործում։ Պաշտպանության նախարարը միաժամանակ նշել է, որ ապագայում նախատեսվում է փոխարինել ռուսական ՀՕՊ համակարգը՝ դրա տարիքի, տեխնիկական վիճակի, անբավարար հնարավորությունների, ինչպես նաև «Ռուսաստանի Դաշնությունից փաստացի կախվածության» պատճառով։ Փոխարենը, նրանք կընտրեն մեկ այլ համակարգ, որը լիովին համատեղելի կլինի Սլովակիայի դաշնակիցների հետ և կապահովի երկրի ավելի բարձր պաշտպանությունը, նշել է Նագին:

Կիսվի՛ր այս նյութով՝
դեպի վեր