Բուլղարիայի արտաքին գործերի նախարարությունը կոչ է արել իր քաղաքացիներին հրաժարվել Մոլդովա մեկնելուց՝ երկրում օրեցօր ավելի ու ավելի բարդացող իրավիճակի պատճառով, այդ թվում՝ Մերձդնեստրում տեղի ունեցած պայթյունների պատճառով։ Պաշտոնական հայտարարությունը հրապարակվել է գործակալության կայքում։ «Հաշվի առնելով Մոլդովայի Հանրապետությունում և դրա շուրջ ավելի ու ավելի բարդացող իրավիճակը՝ մենք կոչ ենք անում մեր հայրենակիցներին՝ զերծ մնալ այդ երկիր ցանկացած ուղևորությունից»,- ասվում է նախարարության հայտարարության մեջ։ Բուլղարիայի քաղաքացիներին, ովքեր ժամանակավոր կամ մշտապես բնակվում են Մոլդովայի տարածքում, խորհուրդ է տրվում որքան հնարավոր է շուտ լքել երկիրը մասնավոր տրանսպորտով։ |